I fa bain a far lavurs a man in cumpagnia
Ingio cha duos o trais sun radunats in meis nom, là sun eu immez tanter els. (Mt 18,20)
Cur ch’eu fetsch cul spaits, as driva ün spazi chi’m fa bain: Ils mans chattan lur ritem. Il cheu vain plü quiet. Cur ch’eu fetsch cul spaits in cumpagnia, capita il medem: Discuors dvaintan plü leivs, eir taschair ha seis lö, ingün nun ha da prestar alch. Eu das-ch simplamaing esser. Per mai ha quai ün aspet spiritual: Dieu m’inscuntra suvent in chosas simplas, uschè eir in fils ed anzas, in pitschens gests ed i’l temp chi’s po star da cumpagnia. Forsa esa precis quista simplicità, illa quala crescha cumünanza – simplamaing, perche cha nus eschan quia.
Eu m’allegr! Las datas pels prossems inscunters as chatta quia
/vicara Romana Giossi