Dürant l’ottavel e nouvavel on da scoula vain approfuondi quai cha noss giuvens han imprais a chasa i’l ravuogl da lur famiglias ed in scoula. Temas da vita e cretta vegnan discus cun orizont avert in üna buna cumünanza.
La partecipaziun a cults divins dess sdruagliar l’interess da celebrar nossa cretta insembel cun la raspada.
Cul sustegn da la Corporaziun evangelica Valsot spordscha il cumün da Valsot lavur qualifichada cun giuvenilas e giuvenils. Il böt es dad accumpagnar las giuvenilas ed ils giuvenils positivmaing in lur svilup: sustegn e promoziun sün lur via a daplü autonomia, promover abilitats e talents e spordscher spazi liber, ingio cha quai po succeder.
Ils inscunters chattan lö pel solit aint il «local da tir, Plaz sura 46, 7556 Ramosch» a Ramosch opür in otras localitas o lös ils cuntuorns dal cumün da Valsot.
Davo avair celebrà la confirmaziun partina per scuvrir nouvs lös, per giodair cultura, e per far cugnuschentscha cun üna raspada locala. E schi: fin l'ultim laina eir simplamaing giodair mumaints da buna cumpagnia ant co far gronds pass vers üna vita independenta, giarsunadis e nouvas scoulas.
