Tscherchar cuffort
Perder ad ün char conuman ans renda trists. Insembel tscherchaina cuffort e spranza in nossa cretta, accumpagnain ün a tschel in quist temp da led. Cun ün pled funeber pigliaina cumgià d’inchün chi’ns ha bandunà per adüna.
In noss cumüns esa üsit da celebrar funarals suot tschêl avert. Davo pleds da cuffort in chasa accumpogna la raspada al defunt vers il lö da seis ultim repos, sün ün da noss sunteris a Ramosch, Tschlin, Strada, Martina ed in Samignun.
In cas d’ün mortori as das-chan Els gugent volver a la pravenda, nos ravarenda Tils sustegna gugent.
Important es eir il contact cul cumün da Valsot o Samignun. Uschè pon gnir sunats ils sains e gnir fat cuntschaint ch’ün abitant o ün abitanta es trapassà.
