Partir insembel, scuvrir nouvs lös, giodair la buna cumpagnia, imprender alch nouv e celebrar insembel cun oters bels cults divins.
Ils ons passats vaina pudü far viadis a…
– Wildhaus e Kappel am Albis
– la muntogna da Schons
– Turich e'l Grossmünster
– Poschiavo
Nus ans allegrain fingià sül prossem viadi!
Adüna l'ultima gövgia dal mais ans inscuntraina per ün giantar cumünaivel. Ma almain uschè important sco'l bun damangiar es nossa cumpagnia, ils buns discuors ed amo bler oter daplü.
La data dal prossem inscunter as chatta quia.
Üna jada l'on spordschaina ün' excursiun d'ün di aposta per attempats. Insembel partina per scuvrir regiuns vaschinas tant in Grischun, il Vnuost o'l Tirol. Il Paznaun, Imst, il Piztal, Gluorn, Bravuogn, Matsch e la Bergiaglia vaina uschè scuvri dürant ils ultims ons. – Cun che lö lessan Els far cugnuschentscha sco prossem?
