La baselgia da Martina as rechatta sper il vegl stradun chi passaiva tras cumün e lura sur la Punt Martina via e sü dals Avers (Norbertshöhe) vers la Via Claudia Augusta. La baselgia es gnüda fabrichada dal 1707 sco baselgia refuormada.
La fatschada es structurada cun ün simpel portal baroc cun ün quatterfögl. Da la vart nordvest es il clucher cun tet a tschiguolla.
La modesta baselgia a sala parta da la lingua fuormala gotica e reinterpretescha quella in stil baroc. La nav per la raspada vain partida in duos giufs tras il vout cun costas finas. Attach a la nav es il cor poligonal, ligermaing redüt.
La baselgia refletta ils bsögns d’üna raspada refuormada chi as raduna suot il pled (chonzla) intuorn la maisa dal Segner (Maisa da Soncha Tschaina) per la celebraziun (orgel cun tschinch registers).
